عندما يعشق الشيطان (الفصل الأول)
في اجمل محافظات مصر محافظه الأجداد والتاريخ والحضارة محافظة الأقصر
في منزل المهندس إبراهيم نور الدين
استيقظت عهد من النوم بفزع بسبب دش المياه الذي انهمر عليها
شهقت عهد بفزع وصاحت : الحقوني!! يا ماما بغرق بغرق…
سقطت هويدا ف نوبه من الضحك
وهتفت : لي ساعه اصاحي فيكي.. اي يا اختي نموسيتك كحلي ولا ايه؟! نسيتي أننا ورانا سفر وقطر …
نظرت لها عهد بحنق وانتحنت والتقطت خفها من الأرض شهقت هويدا وهربت من الغرفه وهي تضحك..
،،،،،،،،،،،،،،،،،،،،،،،،،،،،،
امام المنزل قامت كلا من سهير وفوزيه بتوديع الفتيات قبل السفر .
غمغمت سهير بدموع : خلي بالك من نفسك يا عهد.. بلاش تقلقيني عليكي يا بنتي!!
قبلت عهد كف والدتها وقالت : متخفيش يا ماما.. انتي مش عارفه بنتك ولا ايه؟!
اومات برأسها وامتلأت عيناها بالدموع وتمتمت : لا عارفه.. بس غصب عني، دي اول مره تبعدي عني يا قلبي !!
غمغمت عهد بدموع : خلاص بقا يا ماما أنا كده هعيط !
هتفت فوزيه : خلاص يا سهير خليهم يلحقوا القطر !!
هتف مازن بحنق : لا !! خليهم براحتهم لحد القطر ما يفوت صبرني يارب …
هتفت سهير بسرعه : لا.. خلاص يالا يا بنات خلو بالكم من نفسكم !!
اومات هويدا بحزن : طيب الحمد لله اخيرا حد افتكرني !!
ضمتها فوزيه وهتفت :طب يلا بلاش دلع مرق انتي وهي …
نظرت عهد الي هويدا بحزن علي حال ابنه عمتها وقسوه امها عليه …
وربتت عهد علي منكب هويدا وقالت : يلا يا حبيبتي
وصعدوا السياره وانطلق مازن الي محطه القطار…
………………….
ف ارض سينا الحبيبه ارض الفيروز والجمال الساحر ..
وقف العميد سمير الاسيوطي وهدر بغضب : ازاي يا فندي تسيبه يطلع الماموريه دي؟! وانت عارف أنه لسه طالع من اصابه كان ممكن يموت فيه !!
غمغم الرائد ممدوح وهو يسب صديقه ف سره : الله يحرقك يا فريد.. كان لازم يعني تركب دماغك الحجر دي!!
وهتف بصوت مرتفع : يا فندم فريد ادها .. متقلقش وبعدين هو أصر يا فندم !!
صاحالعميد سمير بغضب : أصر يعني ايه؟؟ لا ده كده احنا مش جيش ده كده سوايقه!!
وبعدين هو عايزه ايه؟ ولا هو بيعتبره تار شخصي من اخر ماموريه اتصاب فيها ؟!
غمغم الرائد ممدوح : يا فندم !!
هتف العميد سمير : مفيش يا فندم!! لازم تعرفوا أننا ف جيش وليه نظام وقواعد تمشي ع الكل ..انت وهو مدورين مكتب ..اتفضل يا فندي !!
قبل أن يتحرك ممدوح دخل فريد بسيارته بسرعه البرق ..ووقف أمامهم ..نظر العميد سمير بغضب الي فريد ولكن تحول الغضب الي ذهول وعدم تصديق عندم ترجل فريد من سيارته الجيب …
وأخرج تلات مكبلين بالاصفاد من المطلوبين والقي بهم تحت أقدام العميد سمير
وهتف فريد بصوت حاد : تحت امرك يا فندم !!
رفع العميد سمير حاجبه بدهشه وهتف : ممكن اعرف ازاي تطلع ماموريه خطيره كده لوحدك يا حضرة الرائد؟!
هتف فريد بثقه يشوبها الغرور : يا فندم كل حاجه كان معمول حسابه كويس اوي يا باشا …
هتف العميد سمير بحنق : لا !! انت كده عايز تنتحر… وانا لولا عامل حساب لولدك سياده اللواء كان هيكون لي تصرف تاني معاك يا فندي !!
غمغم فريد بفضب مكبوت لانه لا يريد الاعتماد على اسم والده : يا فندم أنا ..
اقترب منه العميد سمير وهتف بحسم : مفيش كلام تاني.. أنا مش هسمحلك تضيع نفسك بتهورك ده !!
هتف ممدوح : احنا برضو هندور مكتب يا فندم؟!
هتف العميد سمير وهو يغادر : فورا !!!
نظر ممدوح الي فريد بغضب ولكمه ف وجهه بقوه
ضحك فريد بعبث وغمغم : اه يا ابن العـ** !!
نظر له ممدوح بغيظ وهتف : انا عارف انك هتوديني ف داهيه اكيد!!
وتركه وغادر بغضب وفريد يضحك ع صديق عمره بمرح …
،،،،،،،،،،،،،،،،،،،،،،
ف كليه اثار جامعه القاهره ..
خرجت عهد وهوايد من المدرج بعد انتهاء اول يوم دراسه ..
وغمغمت عهد بتعب : ياه أنا صدعت جدااا من اولها كده !!
هتفت هويدا وهي تجلس بتعب : هو اول يوم كده.. امال باقي السنه هتكون ازايذ؟!
هزت عهد رأسها وقالت : يلا بنا عشان نلحق نروح !!
هتفت هويدا بحنق : ،استني طيب نشرب حاجه أنا مصدعه اوي ..
اومات عهد وقالت : طيب أنا هروح الحمام.. وانتي اطلبي نسكافيه !!
اومات هويدا وقالت : ماشي ..
ذهبت عهد الي المرحاض وحين خروجها لفت انتباها فتاه جميله تقف أمام المرأه ودموعها تملأ عيونها اقتربت عهد منها وربتت ع منكبها
وقالت: انتي كويسه ف حاجه؟!
نظرت الفتاه الي عهد وانهمرت دموعها وتترك عهد وخرجت
نظرت عهد ف اثارها وغمغت بدهشة : مالها دي؟!
وخرجت خلفها وذهبت إلى هويدا وقصت لها ما حدث ف طريقهم الي السكن …
،،،،،،،،،،،،،،،،،،،
ف فيلا اللواء احمد الصياد ..
وصلت سما الي غرفتها والقت نفسها علي الفراش ودموعهة تنهمر بحزن وهي تتذكر حديث حور خطيبه شقيقها عمر قبل يومين من الآن …
فلاش باك …
ذهبت سما الي شركه الهندسه التابعه لوالدها لمقابلة والدها ..
وقفت سما أمام مكتب مديره مكتب ابيها بابتسامه بشوشه وقالت : بابا فاضي يا مدام منال ؟!
هتفت مدام منال بابتسامه : فاضي يا انسه سما اهلا اهلا استني دقائق بس ..
اومات سما وقالت : لو مش فاضي أنا ممكن اروح اسلم ع حور ع ما يخلص!!
هتفت مدام منال : طيب هو عنده عميل خلاص هيخرج.. ممكن حضرتك تروحي تسلمي ع الانسه حور ..يكون خرج ..
اومات سما بأدب : خلاص ماشي ..
وذهبت سما الي مكتب حور ولن قبل أن تدلف تجمدت اقدامها ف الأرض وهي تسمع حور وزميلها ف المكتب خالد …
زفرت حور بضيق : احنا مش هنقفل الموضوع ده بقا يا خالد ؟!
هتف خالد بفضب : لا طبعا ..عايزها يتقفل ازاي يا حور ؟! أنا بحبك وانتي كمان بتحبيني…
أنا مش فاهم ازاي تكوني بتحبي واحد وتتخطبي لواحد تاني ؟!
غمغمت حور بخبث : يا بابا الحب مبياكلش عيش ف الزمن ده!! هعمل اي بالحب مع واحد بيقبض كام مليم اخر الشهر ..لكن عمر هيحققلي كل اللي بحلم بيه !!
هتف خالد بفضب : بس انتي مش بتحبيه ؟
اومات حور بغرور وردت : بس هو بيحبني ويتمني رضايه !!
هتف خالد بغيظ : انتي بني ادمه حقيره أنا مش عارف ازاي حبيتك !!
اقتربت حور بخبث فهي لا تريد أن تخسر خالد : ما أنا كمان حبيتك ..
وضعت ذراعه حول عنق خالد وهتفت وهي تغمز له بوقاحه: بس الحب حاجه.. والجواز حاجه ولا اي؟!
لمعت عين خالد بشهوه فهو لا يختلف عن حور كتير
ويميل عليها ويأخذ شفتيها ف قبله مقززه ..
شهقت سما وهي تضع يدها ع فمها وانسحبت ودموعها تتساقط حزنا ع شقيقها وركضت حتي خرجت من الشركه …
عوده الفلاش #
نحبت سما بشده وهي تتذكر خيانه حور الي شقيقها وهي لا تعلم ماذا تفعل !! اتخبر عمر بما رأت وسمعت ولكن تخشي ع أخيها من صدمه الخيانه لأنها تعلم كم يحب حور ويعشقها …
رفعت سما راسها إلي السماء ودموعها تنهمر من عيونها وغمغمت : يارب أنا مش عارفه اعمل اي؟! يارب دلني !!
،،،،،،،،،،،،،،،،،،،،،،،،،،،،
يتبع
ساحره القلم ساره احمد
