خاتمه (عندما يعشق الشيطان )

الخاتمه الجزء الاول..

اڪـــــــيف أتڪــــــلم عـــــن الحــــب
وأنتَي كلمــــــاته ..
ڪـــــــيف أتڪــــــلم عـــــن العشـق ..وأنتَي حــــــروفه ..
ڪـــــــيف أتڪــــــلم عــــن الغــــرام. وأنتَي سطـــــوره ..
ڪـــــــيف أتڪـــــلم عــــن القلـــــب..وأنتَي نبضـــــــــه ..
ڪـــــــيف أتڪــــلم عــــن اللـــــــيل..وأنتَي قـمــــــــره ..
ڪـــــــيف أتڪــــلم عـــن النهـــــــار .. وأنتَي نـــــــــــوره ..
أنتظــــر لحظــــة لقــــياكي …و الغــرق فــي دنيــاك
و اكمــال العمــر فــي هــواكي …يــا مــن مـــلكَ قلبــي هــواكي

ف العين السخنه ف غرفه ابراهيم …

دق الباب وضعت سهير سجادة الصلاة وهتفت : حاضر !
تقدمة وفتحت الباب وهتفت : تعال يا حبيبي ؛ منمتش ليه انت جاي من سفر يا مروان ؟!
دلف مروان وقال : انام ازاي يا امي ؟! وانا من ساعه ما وصلت وانا بسمع ف مفاجات !!

أغلقت سهير الباب وهتف ابراهيم : تعال يا مروان !
اقترب مروان وقبل راس والده وغمغم : صباح الخير يا بشمهندس ؛
هز رأسه وتمتم: صباح الخير ياولدي ؛
جلس مروان وهتف : بس انا زعلان اوي ومن حضرتك اكتر كمان !!
ابتسم ابراهيم ورد : يعني انت كنت عايزني اعمل ايه يا مروان ؟! البعثه اللي كنت مستنيها بفارغ الصبر وجتلك ؛ فرصه عمرك اللي كنت مستنيها اكلمك كل ما تحصل حاجه اقلقك وخلاص ؛ وانت ف اخر بلد الله ولا اقلك تعال يا مروان وسيب مستقبلك ..

قطب حاجبه بدهشه وغمغم: ازاي بس اختي الوحيده اسيبها مخطوبه لابن عمنا ارجع القيها متجوزه واحد تاني ومخلفه وكل ده يحصل معها وانا اخر من يعلم !!

هتفت سهير بحنق : ابن عمها مكنش ينفعها ؛ وجوزها شيلها ف عنيه مفيش واحده متهنيه ومتستته زي اختك ” جوزها اللي مش عاجبك ده راجل ولا كل الرجاله مش بيستحمل الهواء الطاير كده ف اختك !!
نظر لها مروان واردف : ازاي واتخطفت واتبهدلت بسببه ؛ يعني لو كانت اتجوزت واحد زي زين مثلا كانت هتعاني كده وتعيش ف خطر طول الوقت ؟!

هتفت سهير : يا بني ده نصيب …
أشار لها ابراهيم ورد : استني يا سهير ! قولي يا مروان انت ايه اللي يهمك من كل ده؟! خلاص اللي حصل حصل وكفايه أنها مبسوطه مع جوزها وجوزها بيحبها ومراعي ربنا فيها ؛ احنا هنعوز ايه يا مروان اكتر من كده ؟! وف الاخر ده نصيب ومحدش بياخد مرات حد واختك مرات فريد ومكتوبه ليه من قبل ما يتولد .. وهو جوزها ومكتوب ليها من قبل ما تتولد .. يعني يا ولدي كل كلامنا ده ملهوش لازمه !!

• يسلم لسانك يا بشمهندس ،،
  هتف بها مازن وهو يدلف الي الغرفه ..
  نظر له مروان وابتسم وهتف : طبعا ع قلبك زي العسل ماهو فريد داخل دماغك من اول مره شوفته فيها صح !!
  ضحك مازن وقال : والله لو انت عرفته كويس هيخيش ف دماغك برضو يا هندسه !

ربت ع كتفه وقال: والله أنا من ساعات من وصلت وانا بسمع عجب !!
واغرب حاجه اني مشفتش عهد لحد دلوقتي وكل ما اسئل عليها يقولوا ف اوضتها وجوزها حاطط ممنوع الازعاج !
كتم مازن ضحكته وغمغم: اه ؛ لا بص عشان نبقي متفقين لو ركزت ف عمايل الاتنين دول هيتحرق دمك ومش بعيد تتجلط وانت واقف كبر دماغك ع الآخر ,

قطب حاجبه بدهشه وقال: أنا مش فاهم حاجه !!
كتمت سهير ضحكتها وقالت: لما تشوفهم مع بعض هتفهم يا ضنايا ؛
غمغم ابراهيم وهو يسبح ع سبحته : استغفر الله العظيم خلاص يا جماعه سبوهم ف حالهم ويلا ننزل نشوف ترتيبات الفرح ؛؛

• يلا يا خويا
  ……………………………
  ف شقه يوسف
  دلف وهتف : سما !
  هتفت من غرفة النوم : أنا هنا ؛
  وضع سلسلة المفاتيح ع الطاوله وسار الي الغرفه وهو ينزع سترته حتي وصل إلي باب الغرفه ووقف ينظر لها بدهشة وهي ترتدي فستان مثير يلتصق ع جسدها اقترب منها وتمتم: يخرب عقلك ايه ده قمر يا سيمو !!
  دارت حول نفسها وهتفت : ايه رايك حلو ؟!

ضم خصرها وقربها إليه وهمس : تجنني يا غزال
اقترب منها وتوقف أمام شفتيها عندما قالت : ده فستاني الجديد عشان فرح مازن ومرام !
رفع حاجبه بهدوء وقال: أحاا !!!!
نظرت له وردت: ليه كده بس ؟

مسك يدها وهتف : هو ايه اللي ليه كده ؟!
انت استاذه فإنك تطلعيني عن شعوري يا سما ده فستان اخرك تلبيسبه ف اوضه النوم مش ف فرح ابدا ..
نظرت إلى الفستان وهتفت : ليه ماله ما هو حلو وضاغط وسطي عشان اعرف ارقص !
كور قبضته وهدر: نعم !! ليه هم مش هيجيبوا رقاصه ولا ايه هتقومي انتي بالدور مكانها ؟!

أخفت ضحكتها وقالت : ايه اللي بتقوله ده بطل تخلف بقا !
جحظت عينيه وصاح : تخــــــلف يا سما !!
أنا هوريكي التخلف ع أصوله !

رفعت فستانها وهرولت بتجاه الباب وهرول خلفها وقبض ع ذراعها صرخت بضحك وهتفت : استنا يا يوسف أنا بهزر والله !
توقف فجاءه وهتفت : ايه بتهزري انتي عايزه تجنني يا بت الصياد ؟!
ضحكت بمرح وقالت: بهزر والله يا جو !

هز رأسه وتمتم: طب وحيات امك لهربيكي يا سما بس بعد الفرح يلا غيري اتاخرنا لسه قدامنا سفر ولسه عايز اشوف مروان عشان اسئله ع اخبار زين ..
هزت راسها وهي تضحك وهتفت : حاضر ،
……………………..
ف غرفه مرام
تجمع هويدا وهبه عند مرام وهتفت هبه : والله يا بنات أنا مش مصدقه أن مازن خلاص هيتجوز !
ضحكت مرام وردت: ليه هو كان عامل اضراب ؟!

ضحكت هبه وهويدا هتفت : لا مكنش عاجبه حد ومنخيره ف السما ..
ضحكت مرام وقالت : بالعكس ده طلع عيني وكنت بصبره بالعافيه !
اشاره هبه وقالت : بس كله كوم وعهد اللي مش عارفه اشوفها من امبارح دي وجوزها حبسها ف الاوضه حبس انفراد !!
ضحكت مرام بمرح وردت: لا عهد وفريد دول ف وادي والدنيا كلها ف وادي تاني !

دق الباب نهضت هويدا وفتحت الباب وهتفت: اخيرا حمد لله على السلامه ختي افراج امتي ياختي !!
دلفت عهد وأغلقت الباب وهتفت : هربت اوعي ؛
ضحكت عليها هويدا ودلفت خلفها هرولت عهد واحتضنت هبه بحب وقالت : وحشتيني اوي اوي يا هبه بجد !
ضمتها هبه بحب وقالت: وانتي يا دودي يا بت ايه الحلوه دي ؟!
ضحكت عهد برقه وقالت: حلاوتي ولا حلوتك يا قلبي …
ضحكت هبه وقالت : لا تعالي لازم تحكيلي كل حاجه من ساعة ما سافرت لحد دلوقتي ..
……………………………….
يوم فرح مازن ومرام ..

بدأ الفرح بدخول مرام بفستانها الابيض المبهر وهي تتمسك بذراع والدها ف ممر مزين بالورود من الجهتين وف آخره يقف مازن ينتظرها وهو ينظر لها بانبهار وعيون لامعه بحب حتي وصلت إليه سلم علي والدها ثم قبض على يدها وسحبها برفق وقال: اقسم بالله ما مصدق اخير !! هطولك نشفتي ريقي يا مرمر ..

ضحكت مرام ولفت ذراعيها حول عنقه
وهمسه: بحبك اووي ؛
عض ع شفتيه وضمها بقوه ورفعها إلى أحضانه ودار بها وسط تصفيق حار وفرح من الجميع
سحبها الي طاولة الماذون وبدأ مراسم كتب الكتاب وسط فرحه وسعاده ..
حتي انتهاء الشيخ بجملته الشهير بارك الله لكم وبارك عليكم وجمع بينكما في خير ..

بعد وقت قصير كان مازن يضم مرام بين ذراعيه ويرقص بها وقد انقطعوا عن العالم ف سحر اللحظه
ضمها إليه وهمس ف أذنها : أنا مش مصدق يا مرمر احنا اتجوزنا خلاص !
شدت ذراعيها حول عنقه وهمسه ف أذنه : من اول يوم شوفتك وانا بحبك بس مكنتش قادره اتكلم !!

مسح ع ظهرها وقال: أنا كنت بحب فريد وبعتبره زي اخويا بس بعد ما كان السبب اني اقابلك واعشقك بقيت بموت ف فريد واللي جابوا فريد ..
ضحكت مرام بمرح وردت: مجنون !
…………….

ع الطاوله يجلس فريد وهو يحمل ابنه وبجانبه عهد وبجانبها هويدا تحمل طفلتها وبجانبها عمر ثم سما ويوسف ..
وضع فريد ابنه ع ذراعه الأيمن ولف ذراعه الايسر حول عنقها وقربها إليه وهمس ف أذنها : انتي قمر ليه اوي كده النهارده !!
لكزته بخفه وهمسة: النهارده بس ؟!
قبلها ع وجنتها وقال : النهارده اكتر من كل يوم يا مدلع الله اكبر عليكي يا عمري ؛

لكزته وهي تحاول التملص من تحت ذراعه
وهمسة : الناس يا حبيبي اتلم بقا ؛؛
سحبها بالكرسي عليه حتي الصقها به
وغمغم : بقول ايه !
شهقت بفزع وقالت : لا والنبي الا الكلمه دي !!

ضحك بعبث وقال: ليه أنا لي فتره مقلتهاش ؟!
شهقت بصوت عالي وقالت : ليك فتره يا مفتري انت لسه قيلها النهارده الصبح وامبارح باليل ووو

وضع يده على فمها وقال: خلاص ف ايه انتي شايله مني اوي كده يا مدلع ؟!
ضحكت هويدا التي بجانبهم وقالت : احترموا نفسكم بقا !
ضحك عمر وهتف : فريد حطها ع رجلك يا راجل احسن !
رفع يوسف حاجبه وهتف: أشيل الحجات اللي ع الطربيزه طيب وتتفضلوا هنا !!

نظر فريد الي الطاوله وضغط عليها بيده واردف : لا مش هتتحمل ..
شهقت عهد وسما وكتمت هويدا ضحكتها بصعوبه وسقط الشباب ف نوبه ضحك …
وضعت عهد يده ع وجهها وهمسة: سافل !
همس بأذنها : سمعتك ع فكره ؛

نهضت عهد ووجها أصبح مثل حبة الكريز من الاحراج وغمغمت : أنا ماشيه رايحه لي ماما ..
ضحك عليهم الجميع وحدق بها فريد وهو يلتهمها بعينيه وهمس: مدلع اوي !
هتف يوسف : يا دنجوان دي مراتك مش شقطها ؛
ضحك فريد ولمعت فكره مجنونه بعقله وقال : أنا عندي فكره مين معايا ؟!
هتف عمر : قول وربنا يستر !
اقترب من الطاوله وغمغم : ايه رايكم لو ..

ثم نظر الي هويدا وسما وهتف : قومي يا بت انتي وهي هوانا شويا !!
شهقت هويدا وسما وقالت : كده يا أبيه ماشي ؛
لكزه هويدا عمر ووضعت طفلتها ع يده وهتفت : طب خد بقا يلا يا سما “
تمسك عمر بطفلته وغمغم : مجنونه !!

بعد انصراف هويدا وسما هتف فريد : تيجي نخلع كل واحد بـ مراته ليله كده مجنونه أنا كنت هاخد عهد واخلع بس قولت اعمل حسابكم معايا عشان مش ناقص قر منكم “
قال يوسف : معاك وش ‘
هز عمر رأسه وتمتم: وانا معاك طبعا “
أشار فريد الي مازن وقال : حتي عريس الغفلة ده معانا ”

اشاره لهم وغمغم : بصوا أنا هغيب ساعه كده اظبط كل حاجه ؛ وانت يا يوسف قول لمازن عشان العـ** ده لو طلع الاوضه مش هنعرف نخرجه ولا بالطبل البلدي ؛ وانت يا عمر تعالي معايا …
هز يوسف رأسه وقال: ماشي هقوم اقوله !

تحرك فريد بتجاه عهد وهتف : خدي يا عهد سيف عشان ف جماعه اصحابي هروح اسلم عليهم !
اخذت منه الطفل وهمسه: ماشي يا حبيبي ؛
اعط عمر الطفله لهويدا وهمس : خدي ملاك ؛

اخذتها منه وتحرك فريد وعمر الي الخارج وهتف فريد : الخروجه دي ناقصه ممدوح والله !
رد الآخر: هو رجع سيناء ولا ايه ؟!
اوما فريد وقال : اه رجع وانا لولا الاصابه كان زماني معاه بس سياده اللواء صمم انزل الغرفه ست شهور وبعدها ارجع وحدتي ف العريش !!
اوما عمر وقال : ربنا معاكم يا فريد ؛
هز رأسه وتمتم: يارب ؛

ع أحدي الطاولات
مال مروان الي والده وغمغم : هو فريد كده ع طول ؟!
هز ابراهيم رأسه وتمتم: يعني ايه يا مروان ؟!
أشار له واردف : عمايله دي قدام الناس وعهد كمان كانت تتكسف من خيالها ايه حصلها !!
هز ابراهيم رأسه بيأس ورد : متركزش معهم ده واحد ومراته يا ابني !

نهض مروان وتوجه الي طاولة عهد ووالدته وجلس بجانب زوجته وهتف : ايه يا عهد عامله ايه اخيرا شوفتك !
ضحكت عهد برقه وقالت: ليه يا أبيه ماحضرتك شوفتني الصبح وسلمت عليك !!

رفع حاجبه وتمتم: هو وقتك مشغول اوي كده يا بنتي أنا من ساعات ما جيت وسي فريد واكل عقلك قليلي بقا انتي كويسه ومبسوطه معا قولي الصراحه يا عهد ؟!
ابتسمت له وردت : اكتر مما تتخيل يا أبيه فريد مش بس جوزي لا ده دنيتي كلها !
ضحك مروان وهتف : فين الكسوف يا عهد عمل فيكي ايه فريد وصلك لكده ؟!
ضحك الجميع بمرح وخجلت عهد وهتفت هبه : سيبهم ف حالهم بقا ايه الرخامه دي !!

• ربنا يهنئ سعيد بسعيده يا ستي
  ……………………..

ف الداخل تحرك يوسف الي مازن وهمس ف أذنه : حلوه القعده دي ولا تخلع؟!
همس مازن له : ابوس ايدك خلعني يارب ابوك يحج !!
ضحك يوسف بمرح وقال : هخلعك بس مش ع الاوضه الا انت حجزها فوق ؟!
اشاره له بيدها وهمس : مش انا وهي هنبقي لوحدنا ؟!

• اه امال هنجيب جمهور يشجعك ياروح امك ؟
• خلاص يا عر* خلعني بسرعه !

نظر الي مدخل الفرح وغمغم : اول ما تلاقي الدنجوان داخل من هناك تقوم ع طول ..
هز رأسه وتمتم: هي فيها الدنجوان لا يبقي ليلتنا زي الفل ..

بعد مرور أكثر من ساعه دلف فريد وخلفه عمر وهو يضحك وقال : هيتصدموا صدمة عمرهم !!
ضحك فريد وهتف: يا عر* عشان الاصوات متتدخلش ف بعض !
لمح يوسف فريد وعمر وغمز الي مازن الذي مسك يد مرام وهتف : يلا يا قلبي كفايه كده !!
هتفت مرام : ليه لسه بدري ؟!

أشار يوسف الي الفرقه وبدأت تعزف للزفه اندهش الجميع من سرعه انتهاء الفرح
تقدم فريد الي عهد واخذ سيف من بين ذراعيها وزحف الي حنان وقال : اعز من الولد ايه يا نونه ؟!

مدت يدها وأخذت الطفل منه وهتفت. : ولد الولد يا حبيبي !
ارسل لها قبله مرحه ورد : خلي ولد الولد معاكي الليله دي بقا عشان اظبط ام ولد الولد !!

هزت راسها بيأس من تصرفاته الوقحه وهتفت : روحي يا قليل الادب أنا معرفتش اربي فيك ولا يوم !!

• حبيبتي يا نونه

وانصرف إلى عهد ومسك يدها وسحبها اليه وهمس ف أذنها : ينفع اخطفك يا مدلع ؟!
عضت ع شفتيها وهمسة : ينفع طبعا ؛

• طب يلا بسرعه ..

عند عمر وصل إلي هويدا وهتف : امال فين ملاك يا هدهد ؟!
رفعت راسها وقالت : مع ماما !
مسك يدها وسحبها وقال : طب كويس اوي تعالي هقولك سر ؛
ضحكت ونهضت معه الي الخارج ..

اقترب يوسف من سما وهتف : غزال ,
دارت إليه القي لها ورده ف الهواء رفعت راسها تحاول التقطها سحبها من يدها وهرول الي الخارج
هتف قائلا: يوسف الورده وقعت ..
ضحك عليها وتمتم: يلا يا هبله !!

خرج مازن من الفرح وهرول بها عكس اتجاه الاوتيل اندهش الجميع من تصرفاتهم وهتفت حنان : العيال دي اتجننت ولا ايه ؟!
ضحكت سهير وقالت : هم امتي كانوا عاقلين !!
هتف والد مرام : حتي العريس والعروسه مع انه مكنش باين عليه مجنون لما خطبها !
ضرب ابراهيم كف ع الآخر بذهول وهتف: جوزنهم عشان يعقلوا اتجننوا اكتر !!
ضحك احمد وهتف : متسبوهم شباب ربنا يهنيهم ببعض بجنان بعقل أن شاء الله بالعجوه المهم مبسوطين خلاص…

ضرب مروان كف ع الآخر بذهول وهتف: لالالا أيه الهبل ده انا غيبت كتير اوي كده ؟!
ضحكت هبه وهمسه : ده عهد محكتش حاجه ع جنان جوزها وانا اللي فاكرها بتبالغ …
وووووووووووو
ونكمل الجزء التاني من الخاتمه بعد ساعه يا سكاكر.

ساحره القلم ساره احمد 🖋️